ஏக்கமா??

July 11, 2020

யாரோ ??

நாம் அனைவரும் எத்தனை சாதனைகள் செய்தாலும் எத்தனை வேதனை கொண்டாலும் யாரோ ஒருவரின் அன்பிற்காகவும் அரவணைப்புகாகவும் ஏங்கிக் கொண்டுதான் இருக்கின்றோம். அந்த ஒருவர் யார் ??இவளா ?? அவனா?? அதுவா?? இதுவா?? என்று பல இடங்களில் முட்டிமோதி அடிபட்டு வீடு திரும்பியிருக்கிறோம்.

ஆனால் அந்த ஒருவர் யார் என்று இன்று வரை தெரியவில்லை அல்லவா??

இதோ நான் சொல்கின்றேன்... வாழ்க்கை பக்கங்களில் உன்னை இடைவிடாமல் இணைந்தே பயணிக்கும் அந்த ஒருவர் நீதான்!! காலத்தின் கட்டளைப்படி அவரவர் காட்சி முடிந்ததும் காணாமல் போகின்றனர். இது காலத்தின் பிழையல்ல உன் கருத்தின் பிழை.

சற்று யோசித்துப் பாருங்கள் ஒவ்வொரு முறை நீ விழும் போதும் ஏதாவது ஒரு கை உன்னை தூக்கி நிறுத்தி இருக்கும். ஒவ்வொரு முறை நீ சிரித்தபோது உன்னோடு சேர்ந்து சில இதழ்கள் நகைத்திருக்கும். உனக்கே தெரியாமல்!!

சிரிக்கும் நம் இதழில் சுரங்களில் எல்லாம் பல அவமானச் சரித்திரம் மறைந்து கிடைக்கத்தான் செய்கின்றன.

கடவுள் அவ்வப்போது சிலரை உனக்காக அனுப்பி வைத்துக் கொண்டுதான் இருக்கின்றார். ஆனால் நீயோ அவர்கள் அனைவரையும் விட்டுவிட்டு நிரந்திர நண்பனை தேடிக்கொண்டிருக்கிறாய். உனக்காக துடித்துக் கொண்டே இருக்கும் இதயத்திடம் சற்று இதை கேட்டு பார்.... தனிமை தாங்க முடியாத சுமை அல்ல.. தவிர்க்க முடியாத தகவல்.